"पाकव्याप्त काश्‍मीरमध्ये भारतीय लष्कराची कारवाई झाली, तर चव्हाण हे पूंछ येथील नियंत्रण रेषेजवळून पाकिस्तानच्या हद्दीत गेले. या दोन्ही घटना वेगवेगळ्या वेळी घडलेल्या आहेत. लष्करी जवान चुकून दुसऱ्या देशाच्या हद्दीत गेल्यास "स्टॅटेजिक सोल्जर एक्‍स्चेंज‘अंतर्गत लष्कर कारवाई करत असते. या प्रक्रियेस प्रारंभ झाला असून चव्हाण यांना पुन्हा भारतात आणण्यासाठी लष्कर सर्वतोपरी प्रयत्न करत आहे,‘‘ असे संरक्षण मंत्री म्हणाले.
लेफ्टनंट जनरल (निवृत्त) डी.बी.शेकटकर समितीच्या अहवालाविषयी पर्रीकर म्हणाले, ""भारतीय लष्कराचे पारंपरिक साहित्य आणि शस्त्रांच्या आधुनिकीकरण करण्याच्या दृष्टीने विचार करण्यासाठी शेकटकर समिती नेमली होती. या समितीचा अहवाल लवकरच संरक्षण मंत्रालयास मिळेल. त्यानंतर या विषयासंदर्भातील पुढील प्रक्रिया होईल. तसेच फ्रान्स सरकारबरोबर रॅफेल ही लढाऊ विमाने खरेदी करण्यासंदर्भात करारही झाला आहे. त्यानुसार ही विमाने 36 महिन्यांच्या आत भारताला मिळतील.त्यादृष्टीने सरकार प्रयत्न करत आहे.‘‘
"सध्याच्या परिस्थितीत नागरिकांनी जागरूक राहावे. आपल्या सभोवताली संशयास्पद वस्तू, अनुचित घटना किंवा हालचाली आढळल्यास तत्काळ पोलिसांना कळवावे. कोणत्याही परिस्थितीत धोका पत्करू नये,‘ असे आवाहनही संरक्षण मंत्र्यांनी यावेळी केले.
No comments:
Post a Comment