नवी दिल्ली - भारत आणि पाकिस्तानमधील तणावपूर्ण परिस्थितीच्या पार्श्‍वभूमीवर पाकिस्तानमधील एका पत्रकाराने ‘चिंता करू नका आपले सैन्य लढण्यासाठी तयार आहे‘ अशा एका युजर्सच्या ट्‌विटला रिट्विट केले आहे.
पाकिस्तानमधील “जिओ टिव्ही”चा पत्रकार हमीद मिर याने याबाबतचे ट्‌विट केले आहे. ट्‌विटमध्ये सुरुवातीला त्याने इस्लामाबादमध्ये एफ-16 विमाने घिरट्या घालत असल्याचे म्हटले आहे. मात्र त्यानंतर चिंता व्यक्त करण्यात आल्याचे पाहत मिरने एका युजरचे ट्‌विट रिट्विट करत याबाबतचा खुलासा केला आहे. रिट्विट केलेल्या ट्‌विटमध्ये "चिंता करू नका. आपले सैन्य सजग आणि लढण्यासाठी तयार असल्याची ही केवळ खात्री आहे.‘ असा मजकूर लिहिलेला आहे. याशिवाय मिरने रशियन सैन्य 24 सप्टेंबर पासून 10 ऑक्‍टोबरदरम्यान पाकिस्तानमध्ये युद्ध सरावासाठी आल्याची माहिती आणि छायाचित्रेही रिट्विट केले आहेत.
मिरच्या ट्विटमुळे पाकिस्तान हवाई संरक्षणाचा आढावा घेण्यात येत असल्याची शक्‍यता व्यक्त करण्यात येत आहे. मात्र याबाबत कोणतेही खात्रीशीर वृत्त नाही. तणावाच्या परिस्थितीच्या पार्श्‍वभूमीवर महाराष्ट्र नवनिर्माण सेनेने भारतात असलेल्या पाकिस्तानमधील कलाकारांना पुढील 48 तासांत देश सोडण्यास सांगितले आहे.
No comments:
Post a Comment