श्रीनगर - पारीमपोरा-पंथाचौक बायपास रोडवर शनिवारी दुपारी लष्कराच्या ताफ्यावर झालेल्या दहशतवादी हल्ल्यात दोन जवान जखमी झाले. सव्वा एकच्या सुमारास एसकेआयएमएस रुग्णालयाजवळून जाणाऱ्या लष्कराच्या ताफ्यावर दहशतवाद्यांनी अंदाधुंद गोळीबार केला. या हल्ल्यानंतर लगेचच काही समाजकंटकांनी पोलीस आणि सीआरपीएफच्या जवानांवर काही समाजकंटकांनी दगडफेक केली. दुपारी 1 वाजण्याच्या सुमारास बेमिया येथील स्कीम्स हॉस्पिटलजवळ ही घटना घडली.
ताफ्यातील शेवटच्या गाडीतील दोन जवान जखमी झाले. पारीमपोरा येथून पंथाचौकच्या दिशेने ताफा चाललेला असताना हा हल्ला झाला. गोळीबाराला प्रत्युत्तर मिळताच दहशतवादी तिथून पसार झाले अशी माहिती अधिकाऱ्याने दिली.
परिसराला वेढा घालून शोधमोहीम सुरु झाली आहे.
No comments:
Post a Comment