Thursday 22 September 2016

काश्मीर खोऱ्यात पुन्हा चकमक; 1 दहशतवादी ठार

श्रीनगर - जम्मू काश्मीरमधील बंदिपूर जिल्ह्यात आज (गुरुवार) सकाळी सुरक्षा रक्षक आणि दहशतवाद्यांमध्ये चकमक सुरु झाली असून, चकमकीत एक दहशतवादी ठार झाला आहे.

लष्करी अधिकाऱ्यांनी दिलेल्या माहितीनुसार, बंदिपूर जिल्ह्यातील अरागाम गावाजवळील जंगलात दहशतवादी आणि सुरक्षा रक्षकांमध्ये चकमक सुरु आहे. या चकमकीत आतापर्यंत एक दहशतवाद्याचा खात्मा करण्यात आला आहे. परिसरात सुरक्षा रक्षकांकडून शोधमोहिम राबविण्यात येत आहे.

उरी येथील लष्कराच्या तळावर दहशतवाद्यांनी केलेल्या हल्ल्यात 18 जवान हुतात्मा झाले होते. या हल्ल्यानंतर काश्मीरमध्ये अद्यापही दहशतवाद्यांकडून हल्ले सुरुच आहेत.

- - वृत्तसंस्था

No comments:

Post a Comment